好耐好耐無打過xanga啦
你地都一定唔記得左我啦 今日睇返好多以前打既野
自己都不得不佩服自己
原來講野咁鬼直
情仇愛恨 , 喜怒哀樂完完全全地表現曬出黎
真係可笑
愈係表現曬出黎
愈係無人了解自己
o個d愈係想去了解我既人
就會令到我更加地反感
o個d真我
無人識得欣賞 到今日
我終於都知道自己點解成日會覺得同d人格格不入
因為你地為生活而生活
而我為我而生活
以前讀書無得揀
無自由
成日都要逼自己做唔鐘意做既野
而家 , 我想點就點
原來我真係好好彩
縱使我都係逃唔過命運之輪
但起碼我一直都順自己意
知道自己既存在 仲記得我曾經講過我打日記既原因嗎?
係因為我怕我自己有一日會忘記
點知 ,原來我睇返以前打既野
好多都唔記得係咩了
因為 , 好多野唔俾得人知
就打得好隱匿
點知 , 自己都會唔記得囉.......
或者好多野都應該要打得詳細d
起碼要為自己既存在搵到一d證據 仲有無人記得曾經出現過既"豆豆" , "陸甲"呀?!
應該都無人記得啦
應該唔會有人打過係自已個xanga度啦
點解我留意既同大家留意既野總係唔同既!?
佢地係出現過係班房既蜘蛛
最後都係唔知俾咩人整死左......
兇手到而家都唔知係邊個!!!
仲記得F4嗎?!
當初講既F , 係FOR FISH囉.........
而家諗返真係想死
之後中七真係出現左FISH
F4......而家呢!?
分道揚標啦~
仲記得有一次我地唔知去上咩堂既時候
見到彩虹嗎?!
我地4個 , 一齊見到彩虹
我地4個一齊係空堂周圍走
係學校度邊走邊唱
有一次仲要人地上緊P.E堂
我地唱到俾人聽到囉
哈哈......
仲記得個次去唱K
個句"山頂既朋友......" 仲記得我地講過既"好難忍籃球"嗎?!
到而家仲覺唔覺得係呀?!
定係一早就唔記得左我地講過呢句?!
仲記唔記得個次係維園拍既短片?!
大概都因為電腦壞既原因而無曬啦
仲記得紅字條嗎!?
應該都唔記得既啦
因為由頭到尾都係得我係度畫o者嘛
一句"天下烏鴉一樣黑"
引起D男仔唔鐘意
其實 , 如果自己唔係既
怕咩俾人叫烏鴉?!
到今日
仲有幾多人記得呢句!?
有幾多人記得聖誕聯歡
記得陸運會
記得籃球 , 足球比賽?
記得集體大逃亡
就為左個條魚...... 講起條魚
明明有隻公仔俾我掛左係我個窗隔離
點解無啦啦會唔見左...???
到而家都仲係一個迷!!!! 講左咁多
有幾多人會諗返以前?!
然後再同而家既自己比較一下
咦~ 以前既我
仲剩幾多呢?! 我呢.......
剩低D回憶
其他都所剩無己啦~
變啦 , 變啦~~~~
變係為咩?!
唔變又為咩?!
變係開心?!
定係唔開心?!
咁 , 到底你變左幾多? 幾時會有機會再聚?!
無啦.......無啦
忙呀嘛!!
你又忙 , 佢又忙 , 我又忙
個個都忙 唯一一句未變既
"我無朋友架"
到而家黎講
係某場合
我都仲十分認同呢一句架!
我無朋友架!!!
| 
